Bu İsti̇fadə qaydalarını qəbul etməklə si̇z si̇stemdən İsti̇fadə qaydalarını qəbul etmi̇ş hesab edi̇li̇rsi̇ni̇z. Əgər bu İsti̇fadə qaydalarını təsdi̇q etmi̇rsi̇ni̇zsə, bu halda bu si̇stemdən İsti̇fadə edə bi̇lməyəcəksi̇ni̇z.

Dövlət Miqrasiya Xidməti (bundan sonra Xidmət mobil tətbiqin və proqram təminatının mülkiyyətçisidir.

Giriş

Bu Qaydalar tərəflərin Sistemlə bağlı bütün razılaşmalarını müəyyənləşdirir.

Sistemə Giriş

Bu İstifadə Qaydalarının şərtlərinə uyğun olaraq, Sistemdə aktiv hesabınız və ya elektron imzanız varsa, bununla sizə Sistemə daxil olmaq və istifadə etmək, Sistemə inteqrasiya edilmiş müxtəlif informasiya sistemlərində autentifikasiya və avtorizasiyadan keçmək hüququ verir. Sistemdən istifadə etdiyiniz avadanlıqlarınızın və hesabınıza giriş şifrələrinin təhlükəsizliyini qorumaq üçün məsuliyyət daşıyırsınız və Onlardan icazəsiz istifadənin qarşısını almaq üçün ağlabatan üsullardan istifadə edəcəksiniz.

İstifadəçinin öhdəlikləri

• İnzibatçının yazılı icazəsi olmadan xidmətdən istifadə nəticəsində əldə edilmiş informasiyanı dəyişdirməməli və yaymamalı;
• Təhrif edilmiş, təhqir, böhtan olduğunu bilərək hər hansı şəxsin şərəf və ləyaqətini alçaldan məlumatlar təqdim etməməli;
• Dələduzluğa,aldatmağa,etibardan sui-istifadə etməyə imkan verməməli;
• Dövlət əleyhinə yönələn, terrorçuluğa, dini ekstremist fəaliyyətə açıq çağırışlar etməməlidir.

İnzibatçı xidmətlərdən istifadə ilə bağlı istifadəçinin sistemdə olan elektron poçt ünvanına və ya mobil nömrəsinə elektron məktublar və ya qısa mesaj göndərmək hüququna malikdir.Göndərilmiş elektron məktub və ya qısa mesaj göndərildiyi andan istifadəçiyə çatmış hesab olunur.

Mobil tətbiqin və proqram təminatının surətinin çıxarılması, mübadilə edilməsi, icazə olmadan proqram təminatının mənbə kodunun ələ keçirilməsi və ya alınmasına cəhd qadağandır.

İstifadəçi mobil tətbiqdə özü haqqında fərdi məlumatları sistemdə şəxsiyyətin eyniləşdirilməsi və ya xidmətlə bağlı əlaqə qurulması üçün yerləşdirir.İnzibatçı İstifadəçi tərəfindən mobil tətbiqə əlavə edilmiş fərdi məlumatları üçüncü şəxslərə verməməlidir.

İstifadəçi olaraq Azərbaycan Respublikasının qüvvədə olan normativ hüquqi aktlarının və bu İstifadə Şərtlərinin tələblərini pozsanız Xidmət hesabınızı dayandırmaq və ya ləğv etmək, hər hansı səbəbdən, o cümlədən Sistemdən istifadə şərtlərini pozmaq və ya üçüncü şəxslərin Sistemdən istifadəsinə maneələr yaratmaq cəhdləri olduqda Sistemin bütün və ya hər hansı hissəsindən cari və ya gələcək istifadəni məhdudlaşdırmaq hüququna malikdir. Bu hallar sizin hesabınızın ləğv edilməsi və ya dayanması və ya hesabınıza girişin məhdudlaşdırılması, hesabınızdakı bütün məlumatların silinməsi ilə nəticələnə bilər. Xidmət istənilən anda və istənilən şəxs tərəfindən Sistemdən istifadəni dayandırmaq hüququnu öz üzərində saxlayır.

İmtina

Sistemdən istifadə zamanı Xidmət sizin kompüter avadanlığınızda olan və yaxud başqa əmlakınızı zədələyə biləcək istənilən ziyana və ya virusa görə məsuliyyət daşımır.

Məsuliyyət

Qanunla müəyyən edilmiş həddə, Xidmət və onun işçiləri heç bir halda sizin komputerinizə və ya Sistemdən istifadənizə edilmiş kiber hücum, müdaxilə və ya digər icazəsiz giriş nəticəsində vurulmuş istənilən ziyan, zərər, itki və ya xəsarətə görə məsuliyyət daşımayacaqdır.

Təhlükəsizlik

Xidmət fərdi və kommersiya sirri təşkil edən məlumatların mühafizəsinə, habelə təsadüfi itkilərin və icazəsiz girişlərin, istifadənin, Sistemdə dəyişiklik edilməsinin və ya açıqlamaların olmaması üçün mümkün və lazımi texniki və təşkilati tədbirlər görmüşdür. Eyni zamanda, üçüncü tərəflərin heç vaxt bu tədbirləri məğlub edə bilməyəcəyinə və ya şəxsi məlumatlarınızdan və digər məlumatlardan müxtəlif məqsədlər üçün icazəsiz istifadə edə bilməyəcəyinə zəmanət verə bilmir. Siz təsdiq edirsiz ki, şəxsi və ya kommersiya sirri təşkil edən məlumatlarınızın qorunmasına görə məsuliyyətin şəxsən özünüz daşıyırsız.

Təyinat

Bu İstifadə Qaydaları və bu sənəddə göstərilən bütün hüquq və icazələr sizin tərəfindən verilə və ya dəyişdirilə bilməz. Xidmət isə istisnasız bu hüququ özündə saxlayır.

Tətbiq Edilən Hüquq

Bu İstifadə Qaydaları Azərbaycan Respublikasının qanunvericiliyinə müvafiq olaraq təfsir edilir və Azərbaycan Respublikasının səlahiyyətli məhkəmələrinin müstəsna səlahiyyətlərinə tabedir.

Əlavələr

Bu İstifadə Qaydalarının bir hissəsi və ya bir bəndi öz qüvvəsini itirdikdə və ya ləğv edildikdə bu hal bu İstifadə Qaydalarının öz qüvvəsini itirməsinə əsas hesab edilə bilməz.